新年快樂

在此跟大家拜個早年，祝大家身體健康、生活愉快、萬事勝意!

在資金調動後，於星期一以12.36增持了8,000股中國奧園(3883)。

本星期組合受到重創，投資組合回報為約-8%，而月供組合回報為約0.2%。如果可以選擇的話，我寧願投資失利，以換取武漢肺炎早日消滅，人民得到健康。

最後，再次祝大家鼠年新年快樂，事事順景!!

月供股票一週年

月供股票好定主動投資好? 至於邊個好啲，相信每個人都有各自既睇法。

月供股票既好處既括有平均成本，唔使睇市，唔夠錢買既股票都可以慢慢供。 有好自然有壞，其缺點有碎股，手續費成本會比較高，較少股票選擇，容易越買越貴。

至於好定唔好，則見人見智，但至少我認為係好過強積金計劃。

本人從去年2月中成立一個月供股票計劃，每月固定投入3,000蚊，目的是慢慢累積資本，而本人則選擇了港鐵(0066)，中銀香港(2388)。

當時選擇理由如下，港鐵幾乎每個香港人都要使用，業務穩定又有地產物業發展及商場收租，岩我呢啲怕輸既人。銀行業號稱百業之母，當時猶豫揀恆生銀行(0011)定中銀香港，最終揀左中銀香港是因為我是其客戶之一及開始慢慢拓展東南亞市場。

可惜好景不常，受到政治運動影響，以上兩間企業都受到無理破壞。因此去年股價均深深地反映此等的影響。 幸好的是，由於是月供股票，平均成本使到所受到的損失減低，相反的是賺唔會比自動買入既多，有辣有唔辣。

適逢月供組合一週年，特意在此留下記錄。月供組合在下圖:

開門紅-2020

本年度取得開門紅先多謝偉哥，多謝他無私的分享。

https://hkstockinvestment.blogspot.com/2019/12/blog-post_33.html

這並不是叫你盲目跟隨他人買，而買入之前一家要自己做足功課先好買入呀!因為以前既我成日抄人買賣而招致損手爛腳，係我依家的倉裡還存有這些虧本貨。

本週交易如下:
星期一以4.7買入7,000股時代鄰里(9928)。

由於資金需要調動，星期二以5.2沽出持有接近4年的AEON信貸(0900)，真係好唔捨得。至於呢筆資金，至快都要等到20號之後先可以使用。

星期五以5.2沽出7,000股時代鄰里(9928)，並以2.81換碼13,000至中信國際電信(1883)。

今日以5.2沽出時代鄰里有點操之過急，錯過了之後的升幅。
我覺得短線好難操作，難以捕捉高位沽貨，唯有寄望密食當三番。

本人始終都係中意長揸，重倉股中國奧園(3883)年內目標價為15蚊，至於將來目標價幾多，就要睇3月中業績發佈會，等管理層講今年銷售額預算幾多啦!

2020年展望

新的一年，新的開始，先審視未來的重點開支:

本年度及未來數年內預計有以下重點開支:
1. 日本旅行 (本年)
2. 結婚開支
3. 儲首期 (希望5年內達成，但睇落去機會渺茫)

2020年的目標有
在理財方面:
1. 去年組合遠遠跑贏大市，本年寄望回報率有5至10%，但求追到通脹。
2. 繼續維持及盡可能增加現有儲蓄率。

在個人方面:
1. 每星期抽至少兩日做30分鐘運動。(本人已有接近整年沒有運動)
2. 本年內至少睇五本書。 (去年只睇左2本書)
3. 要消除自己的惰性。

本年最重要的一定是抽多些時間陪住家人，女友，親人以及身邊的朋友。

另外，正所謂家和萬事興，家衰口不停，見到依家既香港真係有啲心痛，在此寄望香港早日平息紛爭，雙方退一步海闊天空，唔知幾時香港人先可齊心事成建設一個更好的家!