殺豬盤嚟啦

上星期提及到既微信女股票結果大跌7成，直插無水花，同日另有兩隻疑似有關股票急跌，分別係8500及1227。








上星期五，即係8491大升當日，微信女晏晝提及到8491已拉升，我問是否可以放，她說下周還會繼續拉升，可能會拉升到1塊2，還說下周聽從爸爸那邊消息就可以的，當時我仲諗緊係咪走寶呢。


收市之後就問我攞持倉圖，我放左當然冇啦，我只好發買入證明比她，但她堅持要持倉證明，唯入係自選股整左一張持倉圖比佢交功課，比完之後好似人間蒸發一樣，再無搵過我。

到今日大跌，我問佢點處理，她說很忙，之後到5點先應我，話你只有一手好少錢者，更說道失敗乃兵家常事，沒有什麼的，之後又銷聲匿跡。

其實呢種薦股方式流行左好幾年，現在開始流行以老師群組方式，比少少甜頭你再宰你，如果平日無啦啦有陌生人add你，特別係美女或導師，請大家小心為上，否則輸左無仇報。