淺談Sofi HK

Sofi HK母公司Sofi宣佈遲下會借著spac係美國上市，此消息應該可以加強投資者使用Sofi HK信心。

Sofi HK主打免佣為賣點，但我有啲好奇佢點賺到錢呢，除左匯率，孖展及銀行收費之外，其是否好似美國果邊一樣，可以賣交易指令比高頻交易商呢，從而賺到錢呢？ 

匯率方面，港元兌美元與富途相差無幾，但是從美元兌港元可謂食水深，如果與富途比較每一萬蚊相差成二百幾，由此可見呢個應該係一個賺錢位。

孖展方面，Sofi HK孖展利率港美股均是HK prime rate+3%，比其他卷商高出唔少，如果多人用孖展既話，這可算是暴利，但其息率高於同行不少，相信其使用既人數也相對較少。

搶客方面，Sofi HK為左搶佔市場，有開戶送股及積分換股，相信呢方面成本唔細，之前係新聞睇過富途依家平均吸客成本約1500，以前約2000幾，我估Sofi都差唔多。

因此，我頗好奇依家Sofi HK是否靠住美國母公司果邊賺錢黎補貼香港市場。

值得一提，Sofi HK 也有進步，去年升級左server之後，系統穩定了好多，幾乎再沒死ser現象，再加上買賣成本真的是十分便宜及積分換股，真的值得一用。

但係要爭取成為本地卷商之一需要不斷進步，例如介面，報價，部分美股不能買賣，資訊方面等等，

要好似富途咁不斷改善才可爭取到更多市場份額。

Sofi HK簡介話其介面簡單易用，唔需要報價資料等功能，但我覺得呢個係一個藉口，你整得果app出黎，咁係要方便，否則你可以去啲報價apps設立買賣接駁口就得啦，如aastocks, investing, etnet等，咁咪仲方便，係咪先。